ਪੰਜਾਬੀ ਸੰਗੀਤ ਦੀ ਦੁਨੀਆ ‘ਚ ਇੱਕ ਵੱਖਰੀ ਪਹਚਾਣ ਬਣਾਉਣ ਵਾਲੇ ਗਾਇਕ ਅਤੇ ਅਦਾਕਾਰ ਅਮਰਿੰਦਰ ਗਿੱਲ ਹੁਣ ਆਪਣੇ ਦੋ ਪੁੱਤਰਾਂ ਅਰਮਾਨ ਗਿੱਲ ਅਤੇ ਅਰਨਾਜ਼ ਗਿੱਲ ਦੇ ਨਾਲ ਮਿਲ ਕੇ ਨਵੇਂ ਗੀਤ ‘ਪੈਗਾਮ’ ਰਾਹੀਂ ਇੱਕ ਖਾਸ ਰਿਸ਼ਤੇ ਨੂੰ ਮੰਚ ਤੇ ਲੈ ਕੇ ਆਏ ਹਨ।
ਇਹ ਗੀਤ ਨਾ ਸਿਰਫ਼ ਇੱਕ ਸੰਗੀਤਕ ਰਚਨਾ ਹੈ, ਸਗੋਂ ਇਹ ਪਿਤਾ ਅਤੇ ਪੁੱਤਰਾਂ ਦੇ ਰਿਸ਼ਤੇ ਦੀ ਗੂੰਜ ਹੈ ਜੋ ਸੁਣਨ ਵਾਲਿਆਂ ਦੇ ਦਿਲ ਨੂੰ ਛੂਹ ਜਾਂਦੀ ਹੈ। ‘ਪੈਗਾਮ’ ਵਿਚ ਸਿਰਫ਼ ਮਿਊਜ਼ਿਕ ਨਹੀਂ, ਪਰ ਇਕ ਪਰਿਵਾਰਕ ਏਕਤਾ, ਮੂਲਾਂ ਅਤੇ ਜੜ੍ਹਾਂ ਦੀ ਗਹਿਰੀ ਭਾਵਨਾਵਾਂ ਵੀ ਸਾਫ਼-ਸਾਫ਼ ਵੇਖੀਆਂ ਜਾ ਸਕਦੀਆਂ ਹਨ।
ਅਮਰਿੰਦਰ ਗਿੱਲ ਦੀ ਇਹ ਕੋਸ਼ਿਸ਼ ਸੰਗੀਤ ਨੂੰ ਇੱਕ ਨਵੀਂ ਦਿਸ਼ਾ ਵਿੱਚ ਲੈ ਜਾਂਦੀ ਹੈ ਜਿੱਥੇ ਸਿਰਫ਼ ਫਨਕਾਰ ਨਹੀਂ, ਸਗੋਂ ਪਿਤਾ ਹੋਣ ਦੀ ਭੂਮਿਕਾ ਵੀ ਚਮਕਦੀ ਹੈ। ਅਰਮਾਨ ਅਤੇ ਅਰਨਾਜ਼ ਦੀ ਆਵਾਜ਼ ਵਿਚ ਨਵਜਵਾਨੀ ਦੀ ਤਾਜਗੀ ਤੇ ਨਵੇਂ ਵਿਚਾਰਾਂ ਦੀ ਝਲਕ ਹੈ।
ਗੀਤ ਦਾ ਮਿਊਜ਼ਿਕ ਵੀਡੀਓ ਵੀ ਖੂਬਸੂਰਤ ਢੰਗ ਨਾਲ ਬਣਾਇਆ ਗਿਆ ਹੈ, ਜਿਸ ਵਿੱਚ ਪਰਿਵਾਰਕ ਲਮ੍ਹਿਆਂ ਨੂੰ ਬੇਹੱਦ ਸੁੰਦਰਤਾ ਨਾਲ ਦਰਸਾਇਆ ਗਿਆ ਹੈ। ਸਿੱਖਿਆ, ਪਿਆਰ ਅਤੇ ਜੜ੍ਹਾਂ ਨਾਲ ਜੁੜੇ ਰਹਿਣ ਦਾ ‘ਪੈਗਾਮ’ ਇਸ ਗੀਤ ਰਾਹੀਂ ਨਵੀ ਪੀੜ੍ਹੀ ਨੂੰ ਦਿੱਤਾ ਗਿਆ ਹੈ।
