ਲੁਧਿਆਣਾ, 29 ਜੁਲਾਈ: ਵਿਦਿਆਰਥੀਆਂ, ਅਧਿਆਪਕਾਂ ਅਤੇ ਸੁਰੱਖਿਆ ਟ੍ਰੇਨਰਾਂ ਨੇ ਅੱਜ ਚਿਲਡਰਨ ਟ੍ਰੈਫਿਕ ਟ੍ਰੇਨਿੰਗ ਪਾਰਕ, ਲੁਧਿਆਣਾ ਦੀ 9ਵੀਂ ਵਰ੍ਹੇਗੰਢ ਮਨਾਈ।
ਸਾਲਗਿਰਹ ਵਿਚ ਗੁਰੂ ਤੇਗ ਬਹਾਦੁਰ ਨਰਸਿੰਗ ਕਾਲਜ ਅਤੇ ਜੀ.ਐਨ. ਕੋ-ਏਜੂਕੇਸ਼ਨ ਸਕੂਲ ਦੇ ਵਿਦਿਆਰਥੀਆਂ ਨੇ ਹਿਸਾ ਲਿਆ। ਉਹਨਾਂ ਨੇ ਦਿਨ ਭਰ ਸੇਫਟੀ ਟ੍ਰੇਨਰਾਂ ਨਾਲ ਗੱਲਬਾਤ ਕੀਤੀ ਅਤੇ ਸਿੱਖਿਆ ਕਿ ਸੜਕ ਸੁਰੱਖਿਆ ਬਾਰੇ ਸਿੱਖਣਾ ਕਿਵੇਂ ਮਨੋਰੰਜਕ, ਹਕੀਕਤੀ ਅਤੇ ਯਾਦਗਾਰ ਹੋ ਸਕਦਾ ਹੈ। ਵਿਦਿਆਰਥੀਆਂ ਨੇ ਇੰਟ੍ਰੈਕਟਿਵ ਮੋਡੀਊਲ ਜਿਵੇਂ ਕਿ ਥਿਊਰੀ ਬੇਸਡ ਟ੍ਰੈਫਿਕ ਲੈਸਨ ਅਤੇ ਸੇਫ ਰਾਈਡਿੰਗ ਅਵੇਅਰਨੈੱਸ ਦੇ ਰਾਹੀਂ ਅਸਲੀ ਸੜਕ ਹਾਲਾਤਾਂ ਦਾ ਅਨੁਭਵ ਕੀਤਾ।
ਜੁਲਾਈ 2016 ਵਿੱਚ, ਹੌਂਡਾ ਮੋਟਰਸਾਈਕਲ ਅਤੇ ਸਕੂਟਰ ਇੰਡੀਆ ਨੇ ਲੁਧਿਆਣਾ ਟ੍ਰੈਫਿਕ ਪੁਲਿਸ ਦੇ ਨਾਲ ਮਿਲ ਕੇ ਲੁਧਿਆਣਾ ਵਿੱਚ ਟ੍ਰੈਫਿਕ ਟ੍ਰੇਨਿੰਗ ਪਾਰਕ ਦੀ ਸ਼ੁਰੂਆਤ ਕੀਤੀ। ਇਹ ਪਾਰਕ ਸਾਲਾਂ ਤੋਂ ਸਿੱਖਣ ਦਾ ਇੱਕ ਵਿਕਾਸਸ਼ੀਲ ਕੇਂਦਰ ਬਣਿਆ ਹੋਇਆ ਹੈ ਜਿੱਥੇ ਸੁਰੱਖਿਅਤ ਰਾਈਡਿੰਗ ਦੀ ਸਿੱਖਿਆ ਛੋਟੀ ਉਮਰ ਤੋਂ ਹੀ ਸ਼ੁਰੂ ਕਰਵਾਈ ਜਾਂਦੀ ਹੈ ਅਤੇ ਸਿੱਖਣ ਵਾਲੇ ਦੀ ਉਮਰ ਅਤੇ ਅਨੁਭਵ ਨਾਲ ਨਾਲ ਅੱਗੇ ਵਧਦੀ ਰਹਿੰਦੀ ਹੈ। ਹੌਂਡਾ ਮੋਟਰਸਾਈਕਲ ਅਤੇ ਸਕੂਟਰ ਇੰਡੀਆ ਦੇ ਟ੍ਰੇਨਰ ਵੱਖ-ਵੱਖ ਉਮਰ ਸਮੂਹਾਂ ਲਈ ਨਿਯਮਿਤ ਤੌਰ ‘ਤੇ ਸੈਸ਼ਨ ਕਰਦੇ ਹਨ, ਜਿਵੇਂ ਕਿ ਸਕੂਲ ਦੇ ਬੱਚੇ, ਕਾਲਜ ਦੇ ਵਿਦਿਆਰਥੀ ਅਤੇ ਰੋਜ਼ਾਨਾ ਯਾਤਰੀ। ਉਦੇਸ਼ ਇਹ ਹੈ ਕਿ ਸੜਕ ਸੁਰੱਖਿਆ ਇੱਕ ਆਦਤ ਬਣ ਜਾਵੇ—ਉਮਰ ਜਾਂ ਅਨੁਭਵ ਦੀ ਪਰਵਾਹ ਕੀਤੇ ਬਿਨਾਂ।
ਲੁਧਿਆਣਾ ਵਿੱਚ ਟ੍ਰੈਫਿਕ ਟ੍ਰੇਨਿੰਗ ਪਾਰਕ, ਹੌਂਡਾ ਮੋਟਰਸਾਈਕਲ ਅਤੇ ਸਕੂਟਰ ਇੰਡੀਆ ਦੇ ਸੁਰੱਖਿਅਤ ਆਵਾਜਾਈ ਦੇ ਵੱਡੇ ਵਿਜ਼ਨ ਦਾ ਇੱਕ ਮਹੱਤਵਪੂਰਣ ਹਿੱਸਾ ਬਣਿਆ ਹੋਇਆ ਹੈ। ਅਗਲੇ ਕਦਮ ਵਜੋਂ, ਹੌਂਡਾ ਮੋਟਰਸਾਈਕਲ ਅਤੇ ਸਕੂਟਰ ਇੰਡੀਆ ਦੀ ਯੋਜਨਾ ਹੈ ਕਿ ਉਹ ਪਾਰਕ ਵਿੱਚ ਵੱਖ-ਵੱਖ ਉਮਰ ਦੇ ਗਰੁੱਪਾਂ ਲਈ ਨਵੇਂ ਮਾਡਿਊਲ ਲਿਆਉਣਗੇ, ਅਧਿਆਪਕਾਂ ਦੀ ਮਦਦ ਨਾਲ ਸਕੂਲਾਂ ਦੇ ਸਿਲੇਬਸ ‘ਚ ਰੋਡ ਸੇਫਟੀ ਸ਼ਾਮਲ ਕਰਨਗੇ ਅਤੇ ਸਾਲ ਭਰ ਕਮਿਊਨਟੀ ਲੈਵਲ ਦੀਆਂ ਸਿੱਖਣ ਵਾਲੀਆਂ ਸਰਗਰਮੀਆਂ ਕਰਵਾਉਣਗੇ।
